طبق الدجاج المحشي مع الزيتون

أتمنى ان تكونوا جميعا بخير
متتبعينا الكرام

...........
درس اليوم بسيط
عبارة عن طبق  رئيسي مكوناته كالتالي

صدر دجاج وملح وفلفل اسود واحمر حار  وتوم ومغرف نشاء  وبيضة  ونخلط الكل مع بعض
نبسطهم في لي مول واذا مش متوفرين استعملوا تع السليكون
ونستعين بالماء لان الدجاج يلتصق باليد
طبعا لي مول مدهونين بالزبدة
....
للحشو:
خويت حبات مرقاو وطيبت الحشو وخلطت مع حلة بطاطا صغيرة مغلية في ماء وملح

نعمر بالحشو هذا لي مول بعدما نحط قطعة فرماج في الوسط
:::::
لي مش متوفر عندها المرقاز ممكن تجتهد في تعويضه
لحم مرحي ومدوزن
 تون طماطم وزيتون
خليط من صدر دجاج وسلق
يعني حسب الموجود

نغلق على الحشو مليح ونحطهم يطيب في فرن على نار متوسطة مدة ربع ساعة

نحضر الصلصة

ه اختيارية يعني مش لازم تتقيدو بها

حبة صغيرة بطاطا نطيبها في ماء وملح لما طيب نضيف لها ملعقتين كرام فراسش ونمكسيها نضيفلها قطعة فرماج ونمكسي مع بعض نتحصل على صلصة متماسكة وذوقها رائع

على جنب ...صدر الداج لي كنا رحيناا وخلينا الكركاس تاعو(الهيكل)
ننصب عليه مرقة بيضاء بصل وتوم وملح وتوابل وورقة رند وحبة زرودية
التقديم كل وحدة ولمستها

نتمنى الدرس يكون نال رضاكم  وتطبقوه ويعجبكم

الشورما بالتفصيل الممل

درسنا اليوم عبارة عن وجبة محببة لدى الجميع صغار وكبار
واخترتها  لكم بكل اسرارا ها وان شاء الله تنال رضاكم
درس اليوم هو

الشورما

عبارة عن طبق رئيسي غني كامل ومتكامل
نبداو على بركة الله طريقة الخبز ومن عجينة واحدة رح نعمل اكتر من نوع خبز للشورما
نحتاج الى :
اولا: نذوب 2 مغارف كبار خميرة و2 مغارف كبار سكر في قليل من الماء الدافئ

نمزج
4 كؤوس فرينة
مغرف كبيرة حليب بودر او لحظة
4 مغارف كبار زيت
ملح حوالي نص مغرف كبيرة

نضيف الخميرة بعدما تكون خمرت .ماتاخذش وقت 5 د لااكتر

ونعجن بالماء الدافي حتى نتحصل على عجينة طرية تلتصق في اليدين لااازم تكون طرية  نبلل يدي بالماء وننفض العجين كما نديرو في جينة المحاجب

نخلي العجين يختمر 30د فقط

نهبط العجين وبالاستعانة بالفرينة ندير قرصات باحجام مختلفة من بعد تفهموا علاه الحجم مختلف

نبدى على بركة الله في التشكيل

هنا رح نشكل خبز  البانيني

نفرد العجينة رقيقة  ونلف كما هو موضح ونخليها تختمر مدة ساعة كاملة

هنا نقرص الخبزات فوق السميد ونخليهم يخمروا مدة ساعة ايضا

هنا نحل بالحلال القرصات الصغار

وهنا نحل القرصات الكبار رقاق  عكس لي قبل لانو هذو رح نلف فيهم الشورمة مش نحشيهم

يرحو 5 د لاغير ونكونوا سخنا مقلاة تيفال او طاجين الحديد  ونبدى نطيب
كي يسخن ملييييح نقص للنار خلاص
نحط اول قرصة بديت نحلها ولما تشكل فقاعات نقلبها مباشرة

رح تلاحظو انها بدات تنتفخ نقلبا بخذر باه طيب من كل الجوانب ونحاذر ماتتثقبش لانو رح يخرج كامل الهواء لي فيها وماتنتفخش بشكل مرضي

هنا نكمل نطيب البقية

نغطيهم مليح ونديرهم في ساشي لوقت الاستعمال
بعد مرور ساعة نطيب الخبزات لي بقاو

هنا نسخن الفرن مليييييح مع السنيوة ونحط الخبزة تطيب من فوق يعني نشعل الشواية


وهادو نطيبهم كما مالفين نطيبوا الخبز


الان نحضر صوص التومية اللي هي الاساس في الشورما السورية ولاغنى عنها وماازمش تتبدل باي صلصة اخرى
الطريقة ناجحة وبسيطة ومقاديرها مضبوطة
كاس ماء + مغرف كبيرة ونص نشاء نحركهم مليح ونديرهم على النار حتى يغلوا نحرك تحريكة مليحة ونطفي مالازمش تغلي بزاف فوق النار لانو من بعد رح ينفصل الماء وتفسد الصلصة

نخليها تبرد ونديرها في الثلاجة تبرد وتتماسك مليح

من بعد نديرها في ميكسور لاااازم ميكسور او براميكسور او الطاس لي يجي مع البيترا
نحط خليط النشاء مع 2 سنات توم ونميكسي مليح باه يترحى التوم

من بعد نبدى نضيف 4مغارف كبار زيت على دفعات كل مرة مغرف
ونمكسي مليح حتى يروح اثر الزيت ونزيد نكمل المغرف الموالية ونمكسي حتى نكمل نضيف عصرة قارص وملح حتى يتعدل الذوق نخلط مليح وصارت جاهزة
لنجاحها برك لازمها تتخلط مليح مليح



الان نطيب الدجاج او السكالوب لي تبلناه وخليناه يتشرب

صدر دجاج او طرف اسكالوب  مقطع قطع صغيرة  وملح وفلفل اسود  فلفل احمر حار وتوابل الذواقة وراس حانوت وكمون وعصير نص حبة قارص  2 مغارف زيت ونص مغرف موطارد ونص مغرف طماطم مصبرة ونخلطهم ونخليه يتشرب

من بعد نطيبهم بلااضافات لازيت ولاماء
نظل نحرك حتى يطيب ويتشرب كل الصوص لي نزلوا



نحضر بطاطا مقلية وسلاطة وطماطم وكاضافة مايونيز  بلفلفل الحار  ونبدى نحشي كما هو موضح وكل واحد وذوقه

هنا فرغت الخبزات من داخل باه يبقى مكان للحشو والخبز من داخل طري وكي الاسفنجة

هنا لفيت الشورمة

اخر حبزتين حشيتهم هوما لي رمدتهم في السميد وطيبتهم
مايحتاجوش باه نحمصوهم كما البقية
وكان هذا درس اليوم اتمنى يكون في المستوى ويحوز على رضاكم

ارواق الديول باسهل طريقة

 



كما تعرفوا اماهاتنا يحبو يعجنوا ويعاودوا
والاكيد انو احنا الجيل الجديد دايما نتسبب بضيق الوقت وكترة المشاغل
لهدا اليوم حبيت نفيدكم بفكرة سريعة تغنيكم تماما على دليك العجين

كيلة دقيق
نص كيلة فرينة
ملح وماء

.

نبل ونطري ينفس الوقت بلامانعجن حتى نتحصل على عجينة طرية

نخليها ترتاح في كيس مبلل مدة ساعة

هنا بعدما ارتاحت ساعة

كاين اخوات سالوا عن امكانية استعمال المرى او طاجين الحديد
هنا طيبت فيه

.

وتعطيكم نفس النتيجة باقل مجهود وتعب