مدونة أم كوثر للطبخ

سكالوب بالبصل

طبق بنييييين ومافيهش بزاف هرج
ويحمر الوجه يتحضر في اقل من ساعة وينفع لضيوف الغفلة ههههههههه
شرائح اسكالوب

بصلة كبيرة

توم

صلصة بيشامال

فرماج
الطريقة
نملح الاسكالوب ونقليه ونحطو على جنب

هداك الزيت نقلي فيه البصل مع التوم والملح والتوابل ةنحرك حتى يدبل البصل

نجيب بيركس نحط فيه بيشامال وفوقها شراءح البصل ومن بعد شرائح الاسكالوب المقلية ورشة فرماج ونكرر العمليه حتى ننهي كمية البصا والاسكالوب
في الاخير نغطي بالبيشاميل ورشة فرماج والى الفرن 20 دقيقة على درجة 200د

ونقدمو مع ارز مفور وكل وحدة وطريقتها في اعداد الارز

جربوه راه هااايل
سلامي

الملوخية

هي اكلةمعروفة ومشهورة عنا بكترة ونحبوهابزااااف ونهار لي تطيب في الكارتيي الناس كامل تعرف عند دار شكون هههههههههه
لان ريحتها فاااضحة
كاين لي يقولوا مانحبوهاش او يتخيلوها حنة نقلهم فاتكم نص عمركم ادا ماجربتوهاش اوماكليتوهاش

الطريقة

إضغط هنا لرؤية الصورة بحجمها الطبيعي.

لكل 100 غ ملوخية

كاس زيت

إضغط هنا لرؤية الصورة بحجمها الطبيعي.

10 كؤوس ماء

نخلط الملوخيةوالزيت جيدا

إضغط هنا لرؤية الصورة بحجمها الطبيعي.

ومن بعد نضيف الماء على النار ونحرك مليح حتى تتجاننس

لما تغلي هكدا

إضغط هنا لرؤية الصورة بحجمها الطبيعي.

في طريقتين
اما تخليها على نار هادية حتى 3 ساعات تطيب مع التقليب مرة على مرة
اوكما ندير انا لاني نكره نبقى رايحة جايةنحرك
نغلق عليها في الكوكوت ولما تصفرنهدي النار خلاااص باه لاتلصق لاتتحرق
ونخليها حتى ساعتين او ساعتين ونصف

لما نفتح نلقاها نسفت وطلقت كامل الزيت بلاماتكون لصقت او تحرقت